كيك بحجم عائلي كبير مع كريمة فانيلا
كيك بحجم عائلي مشرب و بطبقة من الكريمة اللذيذة و طبقة من البنة لي خلاتو يقطر بالبنة. هذه الوصفة سهلة التحضير وتنتج كيكًا لذيذًا ومشربًا، مثالي للعائلة والأصدقاء.
مقادير كيك بحجم عائلي:
- وج كيسان تاع حليب الحجم تاع الكاس هو 220 ملليلتر معنتها نسحق 440 ملليلتر
- ثلاثه مغارف كبار فلون ديروا الذوق اللي تحبوه انا درت ذوق فاني
- نص مغرفه صغيره لافاني
- ثلاث مغارف كبار تاع النشا اللي حبت بالميزان دير 50 غرام
- 50 غرام تاع زبده معنتها الطه تاع 250 غرام قسموها على خمسه ودو قسم واحد
- ثلاث حبات تاع البيض
- قرصه ملح
- كاس غ ربع سكر
- كاس غير ربع زيت
- كاس غير ربع حليب يكون دافي
- كاس فرينه مع صاشي ونص خميره كيميائيه
- مغرفه صغيره لافاني
- كاس غير ربع تاع شونتي بودره
- فوج تع انان
طريقة تحضير كيك بحجم عائلي:
- نوجد الكريمه اللي نسحق فيها وج كيسان تاع حليب الحجم تاع الكاس هو 220 ملليلتر معنتها نسحق 440 ملليلتر.
- نزيد ثلاثه مغارف كبار فلون ديروا الذوق اللي تحبوه انا درت ذوق فاني مع نص مغرفه صغيره لافاني وثلاث مغارف كبار تاع النشا اللي حبت بالميزان دير 50 غرام.
- نخلطهم مليح ونحط هذ الكسرونه على النار ونبقى غير نحرك حتى هذ الكريمه تبدا تعقد.
- نشوفوا القوام تاع الكريمه كفاش يكون ما تكونش خفيفه تكونش شاده روحها.
- نزيد 50 غرام تاع زبده معنتها الطه تاع 250 غرام قسموها على خمسه ودو قسم واحد.
- نبقى نحرك بالزربة حتى تذوب الزبدة وتنسجم مع الكريمه.
- نجيب بابي فيرم ونغلف هذ الكريمه ولازم هكا هذاك البيي توشيع باش ما تلقش الماء.
- نحطها في الكونجي ونخليها حتى تبرد.
- نوجد الكيك اللي نسحق فيه ثلاث حبات تاع البيض مع قرصه ملح وكاس غ ربع سكر.
- نخلط مليح تحبوا بالباتور ولا بالفوي.
- نزيد كاس غير ربع زيت ونبقى نحط فيه غير بشويه حتى نكمل كامل.
- نزيد كاس غير ربع حليب يكون دافي.
- نوجد الفرينه حسي نعطيكم المقدار بالكاس عندي كاس فرينه مع صاشي ونص خميره كيميائيه ومغرفه صغيره لافاني.
- نحوزهم على صفايه ونبدا نحرك.
- نزيد كاس فرينه ثاني ونحطه ديريكت بسك ديجا خدمت هذا الكيك نهار من قبل ودالي وج كيسان بصح انتما قدر تدي لكم الفرينه زج كيسان ولا وج كيسان غير ربع.
- المهم ديروا حسابكم الكاس الثاني حطوه غير بشويه وراكم تحركوا حتى يولي عندكم قوام يكون هك مالازمش يكون ثقيل.
- نجيب هذ السنيوه اللي فيها 38 سم على 28 دهنتها بشويه تاع الزيت ونفرغ هذا الميلونج.
- ندخل الكيك تاعي يطيب على 160 درجه دائما نشعل من تحت بعد نعاود نشعل من الفوق حتى نحس باللي طاب ونطفي عليه.
- كي طاب الكيك وهو دافي جبت كاس حليب يكون بارد زدت له مغرفه كبيره تاع السكر نحرك مليح حتى نحس باللي السكر ذاب ونشرب هذا الكيك.
- حبيت هكا نشربه في الاطراف مليح بالمغرفه باش نفرغ في الوسط باك كان ماديروش بالمغرفه دائما الحليب يروح للوسط وهدو الطرف يبقاو ناشفين.
- نخلي هذا الكيك يبرد ونعاود نولي الكريمه بعد ما بردت نضربها شويه بالباتور ونزيدلها كاس غير ربع تاع شونتي بودره.
- نفرغ هذي كامل فوق الكيك واليك را بارد كان يكون دافي مادرنا والو الكريمه را فيها شونتي وشون ماقدروش نحطوها مع حاجه سخونه ولا دافيه غير خدمناها زعما كريم دي ولا معليش في الكريمات اللي نحطوا فوق كيك لازم الكيك يكون بارد.
- نمشيت الكريمه جبت فوج تع انان انا هذ الخطره خيرت انانا وانتما ديروا الذوق اللي تحبوه.
- نفرغ الفوج ودوك راح نخلي هذا الكيك يزيد يبرد باش نقطعه
وصفات لذيذة أخرى يمكنك تحضيرها:
كيك بالكريمة وصفة سهلة و تقطع كمية كبيرة
تحلية سهلة التحضير وبنتها روعة
وصفة باتيسري سهلة و بزاف بنينة
تحلية تحضر في وقت قصير بدون تعب و مذاقها تحفة
حلوة محشية تذوب في الفم بمقادير بسيطة وطريقة سهلة
