غراتان المقلة بدون كريمة سائلة، بدون بيشاميل، بدون بيض، بدون فور، طبق سهل و سريع و لذيذ جدا
غراتان المقلة وصفة سهلة وسريعة التحضير، يمكن ديرها في الفطور ولا في العشاء، هذ الغس تاع اليوم بزاف بنينة ما تشدش اليد، يعني في نص ساعة توجدوها وما توسخش بزاف الماعن. سر نجاح غراتان المقلة يكمن في تحضير الدجاج بطريقة متبلة مليح وقليه بشكل صحيح حتى يولي طري من الداخل ومحمر من الخارج.
مقادير غراتان المقلة
- نص صدر تاع دجاج يكون كبير ولا تحبوا ديروا الصدر كامل.
- فلفل كحل.
- عكري.
- شويه تاع الزنجبيل.
- توابل الدجاج كمية مليحة.
- الملح.
- صفار بيضة وحدة.
- فص واحد تاع ثوم.
- حبة بصل صغيرة على حسب الكونتي تاع الدجاج.
- زوج مغارف كبار شابلور.
- معدنوس.
- شويه تاع الزيت للقلي.
- بطاطا مقطعة مربعات ومقلية.
- أربع حبات إلى خمس حبات تاع فروماج “أوكيس”.
- كاس ونص حليب.
طريقة تحضير غراتان المقلة
- نرحي الدجاج ونزيد عليه الفلفل الكحل، العكري، الزنجبيل، توابل الدجاج، الملح، صفار البيضة، الثوم المهروس، والبصل المبشور.
- نخلط المكونات مليح ونزيد الشابلور والمعدنوس، ونعجن الخليط حتى يتماسك.
- ندير شويه زيت في اليد ونكور كريات صغار من الخليط.
- نحط شويه زيت في المقلة، نقلي كريات الدجاج حتى يتحمروا من كل الجهات، ماشي بزاف باش يبقى طري من الداخل.
- كي نكمل القلي، نحيد بقايا البصل اللي تحرقت في الزيت.
- نجيب فروماج “أوكيس” ونذوبه على نار هادئة، نزيد عليه كاس ونص حليب تدريجيا مع التحريك حتى تتشكل لاصوص.
- نزيد شويه فلفل كحل ورشة ملح.
- نحط كريات الدجاج في لاصوص ونخليها على نار هادئة.
- نزيد البطاطا المقلية ونحرك برفق حتى تتشبع البطاطا والكرات بلاصوص.
- نرش شويه فروماج مبشور والمعدنوس ونغطي المقلة ونطفي النار.
توصيات حول غراتان المقلة
- لازم البطاطا تكون واجدة قبل ما تبدأوا الخدمة.
- الفروماج “أوكيس” يذوب مليح ويعطي مذاق هايل.
- ما تكثروش الملح لأن الفروماج راهو مالح.
- هذا الغس يجي بنين بزاف، يطيب فوق النار بلا ما تحتاجوا الفور.
وصفات لذيذة أخرى يمكنك تحضيرها:
كيك بالكريمة وصفة سهلة و تقطع كمية كبيرة
تحلية سهلة التحضير وبنتها روعة
وصفة باتيسري سهلة و بزاف بنينة
تحلية تحضر في وقت قصير بدون تعب و مذاقها تحفة
حلوة محشية تذوب في الفم بمقادير بسيطة وطريقة سهلة
