حلوة اقتصادية وسهلة من الزمن الجميل بدون طابع ولا مول
وصفة الوم هي حلوة اقتصادية وسهلة التحضير حلوة جافة توالم باش تحضروها القهوة الصباح ولا العشية، حلوة بسيطة ما تشدش كامل اليد ما فيها والو والبنة تاعها روعة. هذه الحلوة يعني من الزمن الجميل تاع بكري، ت فكرتها قلت علاش ما بارطاجيها معكم.
مقادير حلوة إقتصادية و سهلة
- 125 غرام مارغرين
- 5 مغارف كبار زيت
- نص كاس سكر كلاص الحجم تاع الكاس هو 220 ملليلتر
- حبة بيض ونص حبة معها
- قرصة ملح
- مغرفة صغيرة تكون معمرة مليح لافاني، تحبوا ديروا لافاني بودرة ولا سائلة
- مغرفة معجون المشماش
- جوج مغارف كبار جنجلان يكون محمص وماشي مرحي، الناس اللي ما يحبوش الجنجلان يقدروا يديروا كاوكاو، وشنو هذ الغس يعني من بكري بكري كانوا يديروها بالجنجلان
- كاس فرينة
- مغرفة صغيرة خميرة كيميائية الوزن تاعها 5 غرام
- نبقى نطم في العجينة الفرينة غير بشوية، تقدر تدي معكم من زوج كيسان ونص حتى ثلاثه كيسان وشوية على حسب الحجم تاع البيض و الفرينة
- مغرفة صغيرة حليب
- مغرفة صغيرة لافاني ليكيد، وماكش عندكم ديروا مغرفة تع قهوة مغرفة صغيرة قهوة ولا نيسكافي
- جنجلان للتزيين
طريقة تحضير حلوة إقتصادية و سهلة
- نحط المارغرين في وعاء ونضيف 5 مغارف كبار زيت ونص كاس سكر كلاص، ونضربهم مليح.
- نضيف حبة بيض ونص حبة معها، نحفظ النصف المتبقي مغطى ونضعه في الثلاجة.
- نضيف قرصة ملح، مغرفة صغيرة معمرة مليح لافاني، ونضرب الخليط حتى تتجانس المكونات.
- نضيف مغرفة معجون المشماش، جوج مغارف كبار جنجلان محمص، ونخلط مجددًا.
- نضيف كاس فرينة مع مغرفة صغيرة خميرة كيميائية، ثم نبدأ في إضافة الفرينة تدريجياً حتى نحصل على عجينة طرية.
- نشكل كريات وزنها 40 غرام، ونغطي العجينة حتى لا تنشف.
- نأخذ كل كرة، نكور العجينة، نشكلها على شكل حربوش رقيق، ثم نغلقها بشكل دائري.
- نخلط نصف الحبة المتبقية مع مغرفة صغيرة حليب وقليل من لافاني ليكيد، وندهن بها الحلوة.
- نرش كمية مليحة من الجنجلان حتى تكون ظاهرة في الطعم.
- ندخل الحلوة إلى الفرن مسخن على 160 درجة، نطيبها من تحت حتى تبدأ تحمار، ثم نشعل الفرن من فوق حتى تأخذ تحميرة خفيفة.
توصيات حول حلوة إقتصادية و سهلة
- تقدروا تخدموا كونتيتي كبيرة يعني ضعفوا المقادير.
- ديروها في لي بوات كي يكون ولادكم ح يقراوا الصباح يجبدو منها.
- إذا حضرتوا كمية كبيرة، خبوها في ال كونجيلاتور وكل ما تستحقوا تجبدو منها تلقاوها واجدة.
- الحلوة ما تجيش يابسة، بل طرية وفيها قرمشة تاع المكسارات والريحة تاع لافاني هايلة.
وصفات لذيذة أخرى يمكنك تحضيرها:
كيك بالكريمة وصفة سهلة و تقطع كمية كبيرة
تحلية سهلة التحضير وبنتها روعة
وصفة باتيسري سهلة و بزاف بنينة
تحلية تحضر في وقت قصير بدون تعب و مذاقها تحفة
حلوة محشية تذوب في الفم بمقادير بسيطة وطريقة سهلة
